صحيح إنني ماشفتش منه غير حلقتين ثلاثة, صحيح إنني حتى من الحلقتين دول ما اتفرجتش إلا على نص الحلقة بالكثير - الجوزاء بقى لما يضرب ومايبقاش عنده صبر على إنه يفضل على محطة واحدة ولازم يغير اللي بيخليني ساعات أغير الفيلم اللي عاجبني موت لما الإعلانات تيجي وأنسى أرجعله ثاني يا إما ده بقى من الزهايمر اللي عندي اليومين دول- بس لازم أقول الكلمتين دول: صباحك سكر زيادة أشد برنامج في رمضان وفكك من البرنامج كله واتفرج على آخر حتى بتاعة ميمي جمال و "إيمي" قنبلة البرنامج. البنت دي صايعة موت وبأموت فيها.
أولاً فكك من الأفكار الجريئة بتاعتها والمعبرة جداً عن الجيل بتاعنا وبصراحة طريقة تفكير الليبراليين مننا شوية زي ما بأحب أسميهم من مشجعين استقلالية المرأة وما شابه, الي همه يعني الناس اللي الجماعة السلفيين نفسهم يموتوهم يعني. بس طريقتها في التعبير عن كدة, بساطتها وتلقائيتها الرهيبة في البرنامج, ضحكتها الهستيرية اللي المفروض ماتطلعش على التليفيزيون أساساً بس زي العسل.
ده غير طبعاً مدام ميمي جمال اللي بتعبر عن اللي ممكن نقول إنه صوت واعي من الجيل القديم, رغم اعتراضها على بعض آراء فتاة بانفتاح -اللي أنا مش باستخدمها هنا بطريقة عيب خالص- إيمي بس كلامها كلة دبلوماسي وبرضه بتحاول تتجاوب مع متغيرات العصر وعمرك ماتسمعها مثلاً بتقول لآ غلط.
تو إكزامبلز على الموضوع ده.
أولاً الحلقة اللي كانوا بيتكلموا فيها عن اللبس والشعر الطويل وهل ترضى إن ابنك يرضى يتجوز واحدة بتلبس كذا أو بتطلع بكذا, أنا بصراحة كنت مع مدام ميمي في موضوع إن لو ابني جالي وقاللي إننه عايز يتجوز بنت حاطة في مناخيرها وودانها وماأدراك أكثر من كده فين كمان فإن أنا غالباً حاعترض.
دلوقتي أنا من أشد معارضين إن حد يتقيم على أساس لبسه وإن ده توتالي حرية شخصية, يطول شعره, يلبس ألوان غريبة, وات إيفر بس في حاجات معينة في اللبس أو المظهر بتعبر عن وجهة نظر معينة في الحياة يمكن ما أكونش موافق عليها. مدام جمال كانت بتشبه البنت اللي بتحط بيرسنج دلوقتي بالهيبيز بتاع زمان وإن ماكانش الكلام ده توتالي صح بس غالباً إن اللي ماوصلش لإيمي ساعتها إن هي مش معترضة على البيرسنج نفسه وإنما على ما يمكن أن يحتويه البيرسنج من آراء ممكن تكون غريبة حبتين.
النهاردة كانوا بيتكلموا على موضوع شغل الستات, وبصراحة مت من الضحك لما البنت دي اتكلمت في التليفون وقالت إن البنت في الدين المفروض مكانها البيت وإن شغل الست اليومين دول جه بس نتيجة "إن الرجالة مدلعينهم حبتين" كان لازم تشوفوا إيمي شكلها بقى عامل إزاي, شي ونت إنتو شوك.
المهم, رأيي في موضوع شغل الستات ده إز كمنج سون, بس اللي عايز أقوله إن مدام ميمي وإيمي إنتم الإثنين زي العسل وبأموت فيكم بس اللي نفسي أعرفه هو إيمي صحفية فين بالضبط ولا إيه البلوج بتاعها ولا أي حاجة عنها علشان بجد لو بتكتب حتبقى واحدة من المفضلين تيت عندي.
بس خلاص.
أولاً فكك من الأفكار الجريئة بتاعتها والمعبرة جداً عن الجيل بتاعنا وبصراحة طريقة تفكير الليبراليين مننا شوية زي ما بأحب أسميهم من مشجعين استقلالية المرأة وما شابه, الي همه يعني الناس اللي الجماعة السلفيين نفسهم يموتوهم يعني. بس طريقتها في التعبير عن كدة, بساطتها وتلقائيتها الرهيبة في البرنامج, ضحكتها الهستيرية اللي المفروض ماتطلعش على التليفيزيون أساساً بس زي العسل.
ده غير طبعاً مدام ميمي جمال اللي بتعبر عن اللي ممكن نقول إنه صوت واعي من الجيل القديم, رغم اعتراضها على بعض آراء فتاة بانفتاح -اللي أنا مش باستخدمها هنا بطريقة عيب خالص- إيمي بس كلامها كلة دبلوماسي وبرضه بتحاول تتجاوب مع متغيرات العصر وعمرك ماتسمعها مثلاً بتقول لآ غلط.
تو إكزامبلز على الموضوع ده.
أولاً الحلقة اللي كانوا بيتكلموا فيها عن اللبس والشعر الطويل وهل ترضى إن ابنك يرضى يتجوز واحدة بتلبس كذا أو بتطلع بكذا, أنا بصراحة كنت مع مدام ميمي في موضوع إن لو ابني جالي وقاللي إننه عايز يتجوز بنت حاطة في مناخيرها وودانها وماأدراك أكثر من كده فين كمان فإن أنا غالباً حاعترض.
دلوقتي أنا من أشد معارضين إن حد يتقيم على أساس لبسه وإن ده توتالي حرية شخصية, يطول شعره, يلبس ألوان غريبة, وات إيفر بس في حاجات معينة في اللبس أو المظهر بتعبر عن وجهة نظر معينة في الحياة يمكن ما أكونش موافق عليها. مدام جمال كانت بتشبه البنت اللي بتحط بيرسنج دلوقتي بالهيبيز بتاع زمان وإن ماكانش الكلام ده توتالي صح بس غالباً إن اللي ماوصلش لإيمي ساعتها إن هي مش معترضة على البيرسنج نفسه وإنما على ما يمكن أن يحتويه البيرسنج من آراء ممكن تكون غريبة حبتين.
النهاردة كانوا بيتكلموا على موضوع شغل الستات, وبصراحة مت من الضحك لما البنت دي اتكلمت في التليفون وقالت إن البنت في الدين المفروض مكانها البيت وإن شغل الست اليومين دول جه بس نتيجة "إن الرجالة مدلعينهم حبتين" كان لازم تشوفوا إيمي شكلها بقى عامل إزاي, شي ونت إنتو شوك.
المهم, رأيي في موضوع شغل الستات ده إز كمنج سون, بس اللي عايز أقوله إن مدام ميمي وإيمي إنتم الإثنين زي العسل وبأموت فيكم بس اللي نفسي أعرفه هو إيمي صحفية فين بالضبط ولا إيه البلوج بتاعها ولا أي حاجة عنها علشان بجد لو بتكتب حتبقى واحدة من المفضلين تيت عندي.
بس خلاص.
